【衰過雲格】32年來最差　艾美利仲有下場受

阿仙奴喺新球季落筆打三更輸波，表現肯定令「廠迷」失望，事關唔少人都對新領隊艾美利有期望，認為佢可以扭轉前主帥雲格近年積弱嘅走勢。可惜嘅係，「兵工廠」喺新季首輪竟然抽中要與衞冕嘅曼城對撼，輸波之後，令到艾美利成為自1986年前主帥般達梳之後，32年來首位上任後首騷即輸波嘅阿仙奴領隊。

想當年般達梳喺3月上任之後，首戰就以0比1不敵北倫敦死敵熱刺。不過，如今嘅艾美利隨時更大鑊，事關「兵工廠」下輪聯賽仲要撞上另一支爭標熱門車路士，一旦輸埋，艾美利隨時又會再創羞家新紀錄，唔知會唔會連帥位都不保呢？

東網體育同你追實體壇每個精彩時刻！　

https://goo.gl/ewVpvE