【衰過雲格】阿仙奴被強姦！廠迷絕望離場
20180813
東網電視
更多新聞短片
艾美利嘅執教能力受到質疑。(美聯社圖片)
阿仙奴喺英超開咧戰主場以0:2不敵曼城，可以話徹底被KO，網民更加話，兵工廠喺新領隊艾美利執教下，衰過雲格時代，除咗酋長球場嘅球迷冇眼睇，完場前提早絕望離場，甚至有香港網友話阿仙奴輸到好似被強姦！
新生兵工廠被球迷形容為攻又唔得，守又唔掂，結果未完場，酋長球場嘅球迷已經因為睇唔到希望，忍受唔住集體離場抗議。香港嘅球迷更加激烈，幾乎鬧勻阿仙奴全隊冇料到，艾美利、奧巴美揚、奧斯爾同施治全部變箭靶，認真陰公。
又有網友覺得，兵工廠炒雲格係錯誤決定，特別係艾美利根本唔夠料做新廠長。最弊就係，網民認為阿仙奴主場迎戰唔齊腳嘅曼城，竟然完全冇還手之力，連波都搓唔到，覺得佢哋「被強姦」同「畀人SM」，感覺好絕望喎！
網民狂鬧阿仙奴
scoreler：「阿仙奴踢到好恐怖，完全災難性表現，原本吹到有大改變。」
摩佬皮已收：「阿仙奴實力唔夠仲兼無勇氣，呢隊波係咁㗎啦！」
死忠利迷1892：「被強姦，個後防。」
WO0818：「真心差，連波都搓唔到。」
亞小正：「根本人腳太垃圾，冇得救。」
aoop：「最恐怖係曼城半隊未出，仲要主場畀人SM。」
desmond_cyber：「阿仙奴後防好似小學雞踢波。」
uncletim1010：「等下季吧！」
qgal：「阿記今季唔通要護級！」
屈Dee：「奧巴美揚完全唔夠級數。」
特務飛龍：「大眼仔表現不知所謂。」
borofans：「C治好唔掂，變咗腿治任人食。」
Follow東網體育IG一齊撐本地運動員！
東網體育FB同你追實體壇每個精彩時刻！