港超聯 佳聯元朗有新援 郭Sir:辛苦但值得

20180825
東網電視
更多新聞短片
(何彥霆攝)

港超球隊佳聯元朗周六(25日)下午於元朗大球場舉行拜神儀式,球隊上下包括剛帶領香港U23出戰亞運,同日從印尼返港的主教練郭嘉諾亦有出席。會長王威信透露,新球季班費約700萬元,亦有望可以於開季前落實球衣的胸口贊助,球隊繼早前落實前鋒卡立、慕沙及中場基爾頓等外援後,再有23歲巴西防中基斯加盟,而球會主席一職則改由其胞弟王德信出任。王威信表示,期望球隊來季在港超聯繼續有良好發展,並給予隊中的年輕本地球員更多進步的機會,同時亦對主教練郭嘉諾充滿信心,希望可以藉着港超這個平台,令一眾年輕球員在將來有入選香港隊的機會。

新季由剛卸任香港23歲以下代表隊主教練一職的郭嘉諾執教,今早才剛從印尼回港的他,便隨即出席拜神儀式。首次擔任港超球會主教練一職,他表示要繼續學習:「我已經準備好,之前都等緊一個擔任球會主教練嘅機會,因為我知道如果我要學多啲嘢,一定要透過港超聯球會主教練呢個位置先可以學到。王生(王威信)好早就同我傾過,我自己好快就應承咗,因為佢哋重用年青球員同埋我可以繼續執教香港隊嘅青訓梯隊。對我嚟講,雖然辛苦啲,因為我依家住將軍澳,每日來回元朗都差唔多120公里,但我覺得係值得。」

今季元朗以培訓年青球員為宗旨,「郭Sir」期望:「有啲球員之前喺球會機會比較少,今次佢哋嚟元朗就係攞機會嘅時候,等佢哋可以證明自己係有能力踢香港隊。」至於早前曾一度宣布退役、在今夏以助教角色幫助球隊的法比奧,「郭Sir」透露他依然是球員:「好多謝佢喺亞運嘅時候,幫我喺元朗做助教。佢雖然唔後生,但佢絕對踢得,亦係球隊靈魂。佢啱啱完成C級教練執照,所以佢依家係一路踢一路學習做教練。」

回顧過去一年,「郭Sir」坦言夢幻:「由年初省港盃開始,一路去到賀歲盃、亞運,一返嚟就開始教元朗,我自己都希望我嘅教練生涯都係咁,考驗一個接一個,對自己嚟講個獲益會係最多。」