李俊亨越級挑戰不敵泰國拳手
20180831
東網電視
更多新聞短片
全晚壓軸賽事為男子專業排名組65公斤級別賽事，由向柏榮徒弟李俊亨惡鬥來自泰國Fantasy Muay Thai拳館的Mitjaroen Thongin，雙方都出盡全力希望贏得「外卡」到日本參加Shoot Boxing大賽。
比賽初段Thongin便以數次猛力腳踢擊中李俊亨，令他難以埋身及出拳進攻，李俊亨其後表現十分積極，希望以摔技得分，向師傅亦在場邊大叫：「腰摔啊！」。第二回合始李俊亨打出一段猛烈攻勢，有一次使出摔技差點得分，惟Thongin防守出色，數次化解危機。三個回合中Thongin均佔得較大優勢，最終以90比82贏得外卡到日本參賽。
賽果未如人意，但向師傅表示未有失望：「賽前都知道係越級挑戰，對手好強，都有問過李俊亨打定唔打，但佢都想試下面對強勁對手，因為之前嘅對手都唔太強。打完今仗佢應該知道自己嘅問題喺邊，我相信未來佢一定有進步。」
Follow東網體育IG一齊撐本地運動員！
東網體育FB同你追實體壇每個精彩時刻！