【有片】記者會煲粥 港甲名將打畀艾美利？
20180901
東網電視
更多新聞短片
阿仙奴領隊艾美利日前出席英超賽前記者會，期間發生搞笑一幕，話說記者會舉行途中，其中一位記者擺低錄音嘅電話突然響起，艾美利就問：「呢個(電話)係邊個嘅？我唔知係邊個？」突然有人大叫：「係奧斯爾嚟，佢聽日(周六)會唔會落場？」艾美利就回應：「我要聽呢個電話。」
艾美利拎起電話之後，表示打嚟嘅人叫史賓沙(John Spencer)，同昔日車路士球星、踢英超曾經嚟香港效力麗新嘅蘇格蘭「矮腳虎」同名同姓，連英國《太陽報》都懷疑呢位「來電者」就係該著名前鋒。結果艾美利喺全場起鬨下真係接聽，不過全程只係講咗3句。
艾美利：OK！早晨、午安！
艾美利：Hi，我係艾美利，你好嗎？
艾美利：我哋依家開緊工。
艾美利之後表示對方已經收視，但就引嚟全場大笑，似乎呢位新登陸英超嘅領隊，但傳媒關係都唔錯喎！
東網體育FB同你追實體壇每個精彩時刻！