【不斷更新】夏薩特戴帽！車仔炒卡城4:1
20180915
東網電視
更多新聞短片
(法新社圖片)
【全場完】車路士實力明顯高過卡迪夫城一班，即使先失1球，但仍然憑銳利攻勢反勝。夏薩特個人質素超班，上演帽子戲法，加上韋利安射入世界波，以4:1大炒卡迪夫城，同利物浦一樣，都係英超開季5戰全勝。
【23:42】韋利安博完12碼，幫夏薩特戴帽之後，自己再射入世界波，車路士領先4:1
【23:38】韋利安殺入禁區，被班巴踢跌，球證吹12碼，夏薩特主射入網，車路士領先3:1。
【23:26】卜比列特射門僅貼柱出界，幾乎為卡城扳平。
【23:21】柏度洛迪古斯禁區頂起腳，僅貼柱出界，之後窄角度起腳，又唔中目標。
【23:17】車仔嘆慢板，控住來踢，似乎滿意領先2:1喎。
【23:03】下半場開波。
【半場完】車路士上半場雖然先失1球，但其實有不少攻門機會，只係基奧特、柏度洛迪古斯浪費晒，好彩仲有夏薩特腳風順，個人梅開二度，幫車仔臨完上半場，反超前2:1，車路士只要保持氣勢，下半場應該仲有波入。
【22:44】夏薩特禁區內起腳，省中對手改變方向入網，車路士反超前2:1。
【22:37】夏薩特個人突破，射地波遠柱死角入網，車路士扳平1:1。
【22:36】柏度洛迪古斯禁區內無人看管，竟然炒高。
【22:24】馬高斯阿朗素禁區右路，用左腳施射，僅斜出。
【22:20】基奧特勁射，被班巴擋出。
【22:18】高華錫殺入禁區起腳，被卡迪夫城門將艾法列治封出。
【22:16】卡迪夫城利用罰球攻勢，中堅班巴接應二傳，近門射入，領先1:0。
【22:09】基奧特近門又射高。
【22:07】基奧特頭槌攻門，僅高出。
【22:00】車路士主場對卡迪夫城，比賽正式開始。
利物浦開季英超5戰全勝之後，另1支全勝之師車路士將於10點登場對卡迪夫城，亦要力爭贏晒5場，繼續咬住利物浦。
車路士正選陣容（433）
門將：1阿列沙巴拿加
後衞：28艾斯派古達、30大衞雷斯、2魯迪格、3馬高斯阿朗素
中場：7尼高路簡迪、5佐真奴費路、17高華錫
前鋒：11柏度洛迪古斯、18基奧特、10夏薩特
卡迪夫城正選陣容（442）
門將：1艾法列治
後衞：5伊古利文加、4桑摩利臣、22班巴、3祖爾賓納迪
中場：21甘馬拉沙、7哈利艾達、8祖爾禾斯、33凱列特
前鋒：9丹尼禾特、14卜比列特
【全場完】利物浦今場攻守都比熱刺優勝，製造多次具威脅攻門，加上熱刺防線2次犯錯，就造利物浦贏2:1，今季英超5戰全勝。曼城、阿仙奴、車路士將於10點登場，大家記得繼續追貼東網不斷更新。
【21:20】拉美拿近門窄角度射入，為熱刺破蛋，仍落後1:2。
【21:09】沙迪奧文尼禁區內起腳，但角度太正，被禾姆接實。
【21:01】利物浦入波功臣羅拔圖法明奴傷出，由佐敦軒達臣入替。
【21:00】熱刺前鋒孫興民後備上陣，入替哈利雲克斯，要力追落後0:2的失地
【20:40】沙迪奧文尼左路傳中，捷比亞飛剷想解圍，但皮球省中禾姆，佢又接唔住，被羅拔圖法明奴射入空門。
【20:38】盧卡斯莫拉左路突破後起腳，但射中柱。
【20:36】沙迪奧文尼禁區內轉身抽射，被禾姆撲出。
【20:32】下半場開波。
【半場完】利物浦上半場攻勢比較有威脅，開波初段已有1次食詐胡，但之後多得熱刺門將禾姆判斷錯誤，由韋拿杜姆頭槌入波，利物浦領先1:0入更衣室。
【20:09】韋拿杜姆頭槌攻門，禾姆將皮球拍出來，但其實皮球已經過晒白界線，利物浦領先1:0。
【20:05】沙迪奧文尼個人突破，殺入禁區，可惜失去平衡之後，射門無力，被門將禾姆接住。
【19:58】基斯甸艾歷臣禁區邊主射罰球，被門將艾利臣比加接實。
【19:45】雙方一輪急攻之後，節奏有所放慢。
【19:33】羅拔圖法明奴入波，但被判越位。
【19:30】比賽正式開始。
周六(15日)英超早場重頭戲，熱刺主場迎戰利物浦，雙方都有超級翼鋒，熱刺有巴西快翼盧卡斯莫拉，佢喺8月3場英超入3球，並當選該月最佳球員。
利物浦雙翼穆罕默德沙拿、沙迪奧文尼卡士亦相當強勁，今場「翼戰」隨時威力隨時勁過颱風山竹。記得留意東網不斷更新，為大家送上最新戰情。
熱刺正選陣容（4312）
門將：13禾姆
後衞：2捷比亞、4艾達韋列特、5維頓漢、3丹尼路斯
中場：8哈利雲克斯、15艾歷迪亞、19迪比利
攻中：23基斯甸艾歷臣
前鋒：27盧卡斯莫拉、10哈利卡尼
利物浦正選陣容（433）
門將：13艾利臣比加
後衞：66阿歷山大阿諾特、4華基爾雲迪積克、12祖高美斯、26安德魯羅拔臣
中場：5韋拿杜姆、8拿比基達、7占士米拿
前鋒：11穆罕默德沙拿、9羅拔圖法明奴、10沙迪奧文尼
東網體育FB同你追實體壇每個精彩時刻！
Follow東網體育IG一齊撐本地運動員！