副線任務好重要 夏薩特柏度隨時破紀錄

20180915
東網電視
更多新聞短片
車路士開咧4戰全勝勁搶風頭,嚟緊主場面對卡迪夫城,肯定希望可以延續呢個全勝紀錄。不過除咗全隊整體榮耀值得捍衞之外,幾位前場攻擊手都有機會打破車仔嘅球會紀錄,其中夏薩特就有機會躋身球會歷史最佳射手榜前10名。
呢位比利時球星今季4場聯賽都擔正,交出2入球2助攻,絕對係球隊進攻核心。賽前佢已經累積為車仔攻入91球,比隊史射手榜現時排名第10位,由名宿巴里布歷治保持嘅92球紀錄仲差1球,呢場夏薩特只要再入多兩球,就可以打破前輩紀錄,唔知佢會唔會因此更有射門意欲?
除咗夏薩特之外,隊友柏度洛迪古斯呢仗都有個人任務,皆因佢即將迎嚟自己英超第100場上陣紀錄,今季呢位西班牙攻擊手深得新帥沙利重用,4場波都有得出場,表現出色,至今聯賽攻入3球,咁搶鏡,冇理由唔出佢。
東網體育FB同你追實體壇每個精彩時刻!