【有片】史上最廢防守 名不虛傳！
20180928
東網電視
更多新聞短片
踢波嗰陣出錯係在所難免，不過如果全隊喺短短7秒之內一齊出錯，咁就會成為紅爆網絡嘅爆笑材料！周四舉行嘅秘魯超級聯賽，榜首梅格主場2比1擊敗包尾嘅羅沙里奧體育會，客隊上半場連環犯錯先失1球，就被網民評為「史上最廢防守」！
羅沙里奧體育會守到37分鐘嗰陣，成條後防線突然集體發波瘟，先係冇為意對手快開界外球，畀梅格前鋒單刀進襲，雖然龍門及時封位擋出，但個波就彈落衝返嚟回防嘅泰比亞，反彈碌向龍門，好在球速唔快，泰比亞隨即180度轉身解圍，點知佢竟然踢空氣，另一位守將就畀個畫面嚇呆，遲遲唔落地解圍，慢半拍之下只能睇住個波碌入網。成個過程只係7秒，難怪英國《每日郵報》都話「可能係你見過最垃圾嘅防守」。
東網體育FB同你追實體壇每個精彩時刻！