早年涉強姦受害人要重審 C朗：佢講大話
20180929
東網電視
更多新聞短片
（互聯網）
球壇天王巨星C朗有麻煩，一名34歲女子向德國《明鏡周刊》爆大鑊，表示09年被C朗強姦。雖然當年收了C朗35萬美元掩口費，但經過多年後，佢依然因為呢件事深受創傷，所以現時決定勇敢企出嚟，正式控告C朗強姦。C朗得悉事件後，於社交網開直播表示自己絕對冤枉，並直接話該名所謂受害者講大話，目的係利用C朗名字出名。
控告C朗嘅女子名叫Kathryn Mayorga，今年34歲，佢向《明鏡周刊》詳細講出09年發生咩事，表示當年C朗侵襲佢後庭雞姦自己，佢一路叫唔好，C朗冇停過仲要問佢痛唔痛。完事之後，佢跪喺我面前求我原諒，話自己99%係好人，依家就係嗰1%壞因子，令佢做咗錯事。
事件發生後，Kathryn報警要告C朗強姦，經過雙方商討後，Kathryn決定收取35萬美金作出庭外和解。依家舊事重提，Kathryn律師表示佢當事人唔係想再要錢，而係因為到目前仍活於被姦嘅陰霾下，所以決定企出嚟再告C朗，鼓勵其他被C朗性侵過嘅女仔，學佢一樣唔好啞忍。
C朗於尋日喺社交網做直播，表示Kathryn對佢所有嘅指控都係大話：「傳媒今日又講咩呀？呢啲全部都係大話。好多人都想藉我名氣而出名，呢個係我工作嘅一部份，呢個好正常，一切都冇問題。」
東網體育FB同你追實體壇每個精彩時刻！