港超聯 凱景同理文邊隊開齋先?

20180929
東網電視
更多新聞短片
凱景同理文邊隊開齋先?

「中銀人壽香港超級聯賽」周日(30日)下午2時30分頭場賽事,由剛於日前為隊中外援完成註冊的凱景,出師深水埗運動場主場迎戰理文。兩隊今季尚未成功搶分,在聯賽僅踢了1場並不敵冠忠南區的凱景,希望在外援助陣下於主場首度出擊能夠取得好成績,聯賽首兩仗皆敗的理文亦誓言全取3分,相信會有一番惡鬥!

聯賽首仗以至高級組銀牌賽首圈,先後不敵冠忠南區及和富大埔的凱景,終於在日前為門將保羅及一對南韓外援金曙珍及徐相民辦妥註冊手續,與此同時,球隊更有司職中前場的裴贊洙加盟,更從傑志借得前南韓國腳金東進,主教練馮凱文表示,在引入新援後,踢法上會有所改變︰「上場波有個別冇經驗嘅球員去踢,體力留放方面係比較差。體能都會加強番,不過最緊要係要建立番個陣式同踢法。依家球隊多咗幾位南韓外援,踢法上會因應番人腳而作微調。雖然理文暫時成績唔係話咁好,但都一定唔可以輕視,兼且我哋係第一場主場,都想有個好賽果,藉此提升番士氣。」

理文早前先後不敵傑志和佳聯元朗。踢畢元朗一戰後,至今已有兩周沒有比賽,主教練陳曉明表示有助傷兵復出:「開季到依家球隊都面對緊傷兵潮,所以呢兩個禮拜除咗幫球員保持狀態,亦希望受傷球員可以恢復得好啲。」由於前鋒梁嘉恆、戴倫度,以及後衞干沙利斯有傷在身或未能候命。相反對手凱景多名外援則可望上陣,「陳Sir」坦言要做好自己:「一定有變數,但係最緊要搞掂自己先,對手有外援嘅話,實力一定比之前好,但我哋冇藉口、冇退路,呢場波一定要贏!」