【有片】幸運如意差啲客死異鄉 馬迷好鼓譟!

20180930
東網電視
更多新聞短片

本港賽駒「幸運如意」出戰日本高松宮紀念賽一級賽事,最終出事呀!此匹由呂健威訓練嘅「幸運如意」,在賽事中發生好嚴重意外,轉彎處突然拉停,嚇到香港馬迷一額汗,因為過往有唔少香港戰駒如「騏綵」、「好跑得」都曾經客死異鄉,最尾算係不幸中之大幸,「幸運如意」賽後立即被當地獸醫檢查,發現係左前腳懸韌帶撕裂,送上運馬車運走,情況雖然嚴重,但起碼不是斷腳、不用即時人道毀滅,已經好好彩了!

「幸運如意」騎師柏寶自行解鞍行返過磅室,他表示:「一起步我已緊隨頭馬鐵杵成針之後的位置,但在轉彎時突然聽到「噗」一聲,感覺馬兒有不妥,所以即時拉停。」至於練馬師呂健威一出事已即趕往檢視情況。練者説:「目前馬兒已經接受治療,類似打石膏般包紮了傷口,情況已穩定下來。未來會先留日本約十天觀察情況才啟程返港。剛才我亦有問過獸醫意見,獸醫説即使能夠康復,競賽能力亦難以回復,所以回港後應會很大機會會退役。」

至於網上馬迷亦都即時作回應,好多馬迷都覺得「幸運如意」盛年已過、唔應該冒險去日本跑,亦都有馬迷覺得隻馬依家搞成咁,真係要快啲退役,睇嚟網上好多人都認為今次「幸運如意」唔應該過去日本呀!