【官宣】唔着豹仔換三間 阿仙奴袋三億鎊
20181008
東網電視
更多新聞短片
（互聯網圖片）
阿仙奴近期表現一流，連歐霸盃、英聯盃及英超賽事九連勝，季初兩連敗陰霾一掃而空，廠粉對新帥艾美利充滿信心，球隊上下都超Sharp醒。正所謂行運一條龍，好事簡直係接二連三，球會剛於官網公布會同Adidas合作，下季將正式着上三間波衫落場。據英媒報道，雙方共簽約五年，每年贊助費高達六千萬鎊，係現時Puma三千萬鎊嘅一倍，兵工廠穩袋三億鎊，認真可喜可賀。
阿仙奴同Puma嘅合約到本季尾屆滿，Adidas將取而代之。阿仙奴官方公布，球隊同三間嘅合約將於出年七月一日開始生效。每年六千萬鎊絕對係天文數字，現今球壇只有巴塞隆拿（每年1.4億鎊）及曼聯（每年7500萬鎊），其球衣贊助獲利比阿仙奴更高。阿仙奴於86年至94年，曾着上三間球衣，於格拉咸帶領下兩度奪得英超冠軍。
東網體育FB同你追實體壇每個精彩時刻！