【C朗涉姦】大反擊！C朗聲明爆料：你情我願
20181011
東網電視
更多新聞短片
葡萄牙球星C朗拿度涉嫌喺2009年強姦前模特兒Kathryn Mayorga案件，C朗近日返葡萄牙同律師商討後，隨即由律師發表長篇聲明大反擊！C朗喺聲明入面講明「不再沉默」，批評控方係要「摧毀佢嘅名聲」，表明當年雙方發生性行為係「你情我願」，事後所謂掩口費其實係勒索！
C朗嘅聲明內提到：「C朗強烈否認所有指控，媒體(指《明鏡周刊》)所公開嘅疑似C朗聲明文件完全係假嘅......2009年喺拉斯維加斯發生嘅事，係雙方同意之下進行；C朗唔否認曾經同Kathryn達成和解協議，但係呢次和解動機就被扭曲，C朗並唔係因為犯罪而和解，而係聽從私人顧問建議，防止有人對佢惡意指控，就好似大家依家見到嘅事，有人想將C朗用努力、運動才能以及正確行為換取嘅名聲。」
東網體育FB同你追實體壇每個精彩時刻！