冇得出場勁冇品 英超兵專登踢傷隊友

20181013
東網電視
更多新聞短片
(互聯網)
踢波蓄意傷人當然係唔啱,但如果唔係比緊賽,於操練期間專登踢傷隊友,肯定罪加一等!修咸頓翼鋒穆罕默艾爾尤諾斯向英國《太陽報》爆料,不點名指出早前被隊友刻意整傷,英超對利物浦未能落場。佢認為呢位隊友唔係針對自己,只因得悉對紅軍爭唔贏正選所以發脾氣,佢不吐不快表示隊友的確離譜。
今季以1600萬鎊,由巴素利轉會聖人嘅穆罕默艾爾尤諾斯表示:「佢因為失去正選位置,明顯好唔高興,於操練中亂咁嚟,最終將我踢傷。我唔會講佢係邊個,但當第二日就要正式比賽,咁魯莽整傷隊友,就點講都唔啱。」雖然於鬥狼隊一場已經復出,但穆罕默艾爾尤諾斯話自己隻腳仲痛緊,認真無辜。
東網體育同你追實體壇每個精彩時刻!