踢過曼城記得佢嗎?希臘浪人宣布掛靴

20181013
東網電視
更多新聞短片
(互聯網)
大家仲記唔記得呢個長髮型佬、滿臉鬍鬚嘅希臘國腳呢?現年33歲嘅森馬拉斯今日宣布,正式告別佢16年嘅職業球員生涯。
雖然喺希臘出世,但細細個就跟住老父去到荷蘭搵食,森馬拉斯結果係喺荷甲海倫芬接受青訓,繼而打出名堂。呢位身高達6呎4吋嘅柱躉中鋒,之後輾轉效力過包括曼城、些路迪同西布朗等球會,喺些路迪算係佢球員生涯高峰,贏過4次蘇超冠軍、2次蘇格蘭盃同1次聯賽盃,直到上季去到土耳其甲組效力薩姆松,然後今季就未有落班。
國家隊方面,森馬拉斯合共為希臘上陣81次入9球,其中包括喺2014年世界盃最後一場分組賽,補時搏到12碼再親自操刀射入,帶領希臘出線16強,都算係佢國家隊生涯高峰。
東網體育同你追實體壇每個精彩時刻!