德國今年輸咗幾多場?勒夫就快破紀錄!

20181014
東網電視
更多新聞短片
德國隊長年處於世界足球壇巔峰,不過嚟到2018年,呢部「日耳曼戰車」已經變成垃圾車一部,世界盃分組賽出局已經夠衰,今晨(周日)歐洲國家聯賽輸埋畀荷蘭後,今年錄得第5場敗仗,追平德國史上年度最多輸波紀錄!德國喺1956年同1985年都曾經1年內輸5場,今次係第3次出現,而且德國喺嚟緊星期三凌晨就要作客世界冠軍法國,如果輸埋就可以改寫歷史,領隊勒夫隨時可以「遺臭萬年」呀!
東網體育FB同你追實體壇每個精彩時刻!