好消息!曼聯有權回購迪比 莫連奴識做啦

20181014
東網電視
更多新聞短片
荷蘭球星迪比喺歐國聯大勝德國一仗光芒四射,入波之餘仲經常憑高速同突破搞到德國防線風聲鶴唳,盡顯巨星風采。呢位曾經被曼聯球迷怒插「水貨」嘅球星,成功用表現令球迷改觀,而最令球迷興奮嘅係,原來曼聯係有權回購迪比,難怪大批曼迷齊齊呼籲「寸王」Action!
莫連奴喺2017年賣迪比去里昂嗰陣,曾經表示佢哋加入咗「回購條款」,當時莫連奴話:「迪比有潛質成為一個非常傑出嘅球員,雖然佢喺曼聯嘅18個月唔成功,但佢仲係好後生,曼聯有需要掌握呢啲天才嘅控制權。我哋希望迪比會喺里昂取得大成功,球會上下都好鍾意佢,將來返嚟曼聯有咩問題?」
迪比近2季演出極佳,唔少曼聯迷齊齊叫莫連奴1月就買佢番嚟,頂替「冇料到」嘅阿歷斯山齊士,有球迷留言話:「迪比嘅速度、力量同娛樂性,都係依家曼聯最缺乏嘅嘢,請曼聯立即啟動回購條款!」
東網體育FB同你追實體壇每個精彩時刻!