古天奴二五仔做到盡 說巴塞再打劫紅軍
20181018
東網電視
更多新聞短片
（互聯網）
利物浦鍾意搶修咸頓人，巴塞隆拿就鍾意打劫紅軍。繼搶走蘇亞雷斯及菲臘比古天奴之後，據西班牙媒體報道，地上最強又打利物浦球員主意，將會於下年夏天收購羅拔圖法明奴，點解巴塞會有呢個念頭呢？據報原來係古天奴獻計！
蘇亞雷斯已經31歲，雖然射術仍在，不過體力已難以應付西甲、歐聯兩線作戰，巴塞的確有買繼任人嘅需要。古天奴同法明奴於紅軍合作無間仲勁好朋友，佢深知法明奴實力，故向球會極力推荐呢位巴西國家隊隊友。西媒指巴塞亦覺得法明奴好使好用，故已將佢列為夏天轉會窗頭號收購人物。古天奴之前扭計係都要去巴塞，已得罪海量紅軍球迷，依家仲要巴塞撬埋法明奴，難怪佢哋於網上喪插呢名「二五仔」啦。
東網體育FB同你追實體壇每個精彩時刻！