港超聯 蘇加直豎姆指 傑志遭和富大埔逼和

20181021
東網電視
更多新聞短片
「中銀人壽香港超級聯賽」周日(21日)由傑志於主場旺角大球場迎戰和富大埔,在98年法國世界盃金靴獎得主、克羅地亞名將蘇加觀賞下,傑志雖憑金奉珍、泰迪的入球領先半場,但大埔經調整後,在4分鐘內連入兩球追平,各得一分。
傑志開賽初段便積極進攻,8分鐘,鞠盈智罰球直射被客軍門將李瀚灝撲出,華杜斯和林恩許先後補射都未能成功破網。5分鐘後更成功先開紀錄,中堅金奉珍右路施放冷箭,搏得李瀚灝甩手,傑志領先1比0。傑志及後於28分鐘再下一城,泰迪接應長傳,避過出迎的李瀚灝射入空門,為球隊擴大領先優勢之餘,作壁上觀的蘇加亦對此拍案叫絕。在同鄉前輩力撐下,前克羅地亞小國腳泰迪於31分鐘差點再有進帳,鞠盈智挑起皮球乖巧送前,林恩許頭槌二傳,泰迪第一時間窩利僅越楣而過。落後的大埔憑反擊製造攻勢,後衞李家豪左路推入禁區勁射僅吿高出,半場傑志領先2球。
下半場雙方多於中場拉鋸,欲收復失地的和富大埔調入勞高加強火力,63分鐘他憑一己之力殺入入禁區後起腳,及後再施展遠射,惟一一被王振鵬封阻。大埔終72分鐘便扳回一城,勞高直線傳予哈利,後者射遠柱入網,為球隊追至1比2。4分鐘後大埔更成功追和,中堅杜度接應角球頭槌破網,為球隊追成2比2。此時雙方均積極進攻,傑志有後備上陣的中村祐人禁區內回傳,林恩許第一時間撞射,被李瀚灝雙槌打出。大埔亦有伊高沙托尼扣過對手後起腳被王振鵬接實。補時階段,傑志雖有盧卡斯、丹尼先後攻門,但仍未能再次攻破對手大門,最終雙方以2比2打成平手。
賽後重返傑志的華杜斯坦言:「我對今場賽果好失望,好多機會都把握唔到,亦太容易畀對手追和,不過足球就係咁,所以我哋之後要督促自己去搶分,因為依家嘅情況唔係我哋想見嘅嘢。如果你唔能夠終結比賽,無論對大埔定其他對手,都會畀佢哋追番,不過呢啲就係足球。」今場是他回港後首場比賽,華杜斯雖有經驗,但仍需從頭開始:「我要重新適應香港嘅天氣同球場,因為香港嘅草地同歐洲完全唔同,我要改變我嘅思維,將球場變成球隊嘅優勢。」
至於和富大埔主教練李志堅指傑志初段踢法直接屬意料之外,但他亦表示即使落後兩球仍對球員有信心可追回比數。「堅Sir」更認為今仗成功追和有助球隊重回正軌:「追番兩球對我哋嚟緊所有嘢都好重要,因為之前我哋有幾場波我哋認為可以贏之下輸咗。我哋今季有好多目標,有亞協有盃賽,我唔擔心球員能力,我係擔心佢哋信心。今場追番兩球唔代表我哋可以喺聯賽追近,但我覺得日子流流長,希望所有嘢攞得番!」