奧燒大翻身 阿仙奴10連勝贏開巷
20181023
東網電視
更多新聞短片
(法新社圖片)
周一深夜英超獨腳戲，由阿仙奴主場對李斯特城。「兵工廠」今場有個唔多好嘅開始，踢到31分鐘因為比利連擺烏龍落後0比1。不過之後就成為阿仙奴嘅世界，中場重心奧斯爾完半場前一次自編自導靚組織，自己分波去右路再入楔，然後殺入禁區接應傳中第一時間撞入，追和1比1。
換邊後「奧燒」又兩次策動進攻，由後備登場嘅奧巴美揚梅開二度，最終阿仙奴反勝3比1，全取3分，喺英超錄得7連勝，喺各項賽事就係10連勝，而喺英超聯賽榜仲追到上第4位，只係落後榜首雙雄曼城同利物浦2分。
東網體育同你追實體壇每個精彩時刻！