A山缺陣 莫連奴搵呢個18歲仔做奇兵
20181023
東網電視
更多新聞短片
曼聯今晚(周二)歐聯大戰祖雲達斯，不過賽前傳出傷兵消息，智利球星阿歷斯山齊士因傷缺席賽前操練，據報佢唔會喺呢場大戰入面上陣。
不過，曼聯今場大軍就有個意外面孔出現，現年18歲嘅荷蘭小將塔希茨鍾全程隨隊，有望喺呢場大戰首度為曼聯披甲。
呢位荷蘭翼鋒有華人血統，據大陸傳媒報道，佢嘅祖先係中國人，當年因為逃避戰亂先至移居到荷蘭，媽媽係第三代華人，佢就跟隨媽媽姓氏。
塔希茨鍾可以勝任前鋒及翼鋒，而且射罰球技術亦了得，有C朗影子，佢喺曼聯季前熱身賽表現出色，話唔定今場會成為曼聯奇兵喎！
東網體育FB同你追實體壇每個精彩時刻！