年青人都贏唔到 華倫點同曼聯祖記爭？
20181024
東網電視
更多新聞短片
（法新社圖片）
歐聯H組由祖雲達斯、曼聯同華倫西亞爭出線，但華倫面對同組最弱嘅年青人，唔好話要贏最後爭啲輸埋，又要再失2分！華倫西亞於級數上遠勝對手，而且球隊亦非勝不可，佢哋亦憑巴舒亞伊先開紀錄。不過年青人演出有驚喜，先憑12碼追成平手，完場前頭槌埋門又中柱，華倫羞家失分，想出線勁有難度。
華倫西亞先不敵祖雲達斯，上輪作客奧脫福雖然逼和曼聯，但兩仗只得一分，今次去到年青人地頭，當然係要全取三分。巴舒亞伊為華倫西亞開紀錄，以為會順風順水，但隊長柏利祖禁區犯天條被罰12碼，年青人射入本屆歐聯第一球扳平。之後主隊如狼似虎，如非華倫門將尼圖幾個神救，華倫肯定一分不保，其中於88分鐘辛洛高近門一頂，尼圖救到再中柱。華倫幸保一分，但三場只有兩分，要追曼聯同祖記唔易。
東網體育FB同你追實體壇每個精彩時刻！