查頓辛祖再創歷史 歐聯第2年輕入波英人

20181025
東網電視
更多新聞短片
英格蘭新晉國腳查頓辛祖近期人氣急升,繼成為英格蘭史上首個「00後」國腳後,今晨(周四)歐聯多蒙特4比0大破馬德里體育會,呢位18歲小將後備入替攻入1球,令佢成為英格蘭史上第2年輕歐聯入球球員。
查頓辛祖目前係18歲212日,而紀錄保持者係阿歷士張伯倫,佢喺2011年為阿仙奴對奧林比亞高斯入波嗰陣,只係18歲零43日。事實上,英格蘭歷來只有5個球員喺18歲之齡入波,除咗阿歷士張伯倫同查頓辛祖之外,仲有禾確特、朗尼同韋舒亞。另外,查頓辛祖亦係繼碧咸喺2005年之後,第1個為外國球會喺歐聯入波嘅英格蘭球員。
東網體育FB同你追實體壇每個精彩時刻!