【東體爭議】曼聯同利物浦有幾大仇口？
20181025
東網電視
更多新聞短片
曼聯同利物浦貴為英格蘭足球史上兩大班霸，球場上面嘅激烈競爭，亦令兩軍球迷勢成水火。雖然「紅魔鬼」呢2年聲勢畀利物浦迎頭趕上，不過佢哋嘅球迷都唔放過任何諷刺「紅軍」嘅機會。日前曼聯主場對祖雲達斯，一位曼聯球迷因為着住一件「特製波衫」而引起極大爭議，呢位球迷件曼聯波衫印上「沙治奧拉莫斯」、「18」同「基輔」，即係歌頌沙治奧拉莫斯喺歐聯決賽「整傷」穆罕默德沙拿，擺明就係向全球利迷挑機！
唔少利物浦球迷都留言反擊，話「利物浦所有嘅事都困擾住曼聯」、「好尷尬，將第2隊球隊嘅球員印喺自己件衫上」、「紅魔識咩叫公平競技」等等。
東網體育FB同你追實體壇每個精彩時刻！