慘呀!大帝親自拒絕高比復出

20181025
東網電視
更多新聞短片
勒邦占士冇機會同高比拜仁(左下圖左)合作。(美聯社圖片)
湖人喺NBA作客以131:113擊敗太陽,賽前高比拜仁接受訪問時親口話,假如湖人連輸5場佢就會考慮重返球場,點知勒邦占士同擁躉拗頸咁,交出超靚數據帶領湖人結束3連敗,打開今季勝利之門,親自拒絕高比復出。
雖然朗度同班頓恩格林因為打交事件被停賽繼續缺陣,但麥基交到貨有20分、6個籃板、2次助攻同4次封阻,結果勒邦占士取得19分、7個籃板、10次助攻同3次搶截後開啟3節收工模式,坐低欣賞隊友收獲湖人今季首場勝利。
賽前湖人巨星高比拜仁上電視節目,為自己首本自傳《曼巴精神》造勢,當主持話覺得湖人會連輸20場,咁嘅情況佢會唔會復出,高比咁答:「如果連輸5場,我就會去考慮。」當然啦,最後高比話只係講笑,大帝係咪贏波影響唔到佢㗎!
Follow東網體育IG一齊撐本地運動員!
東網體育FB同你追實體壇每個精彩時刻!