佢仲喺度咩?贊師傅鹹魚翻生睇呢鋪!

20181025
東網電視
更多新聞短片
阿仙奴今晚(周四)深夜歐霸作客葡萄牙勁旅士砵亭,領隊艾美利繼續以超強陣應戰,陣中9成主力都有隨隊出征,包括奧斯爾、奧巴美揚、拿卡錫迪等等,不過呢場波有個阿仙奴球迷「既熟悉、又陌生」嘅面孔出現,佢就係人師「贊師傅」嘅贊堅臣啦!
現年26歲嘅贊堅臣,7年前已經加盟「兵工廠」,司職右閘嘅佢仲曾經入選英格蘭國家隊,拎過1頂喼帽。不過贊堅臣喺過去4年半,只係為阿仙奴踢過83分鐘賽事,期間外借過去韋斯咸同伯明翰,其餘時間唔係受傷就長坐冷板,勢估唔到今場趁蒙利爾同哥拉辛拿斯2個守將受傷缺陣,得以入選大軍名單。
贊堅臣雖然一直被批評唔夠班,不過仍然得到唔少「阿迷」尊敬,事關佢係100%阿仙奴死忠,細細個已經將成間房布置成阿仙奴主題,唔知艾美利有冇辦法為佢嘅兵工廠生涯「起死回生」呢?
東網體育FB同你追實體壇每個精彩時刻!