【有片】改名出事！維拉利爾畀奸商勒索
20181025
東網電視
更多新聞短片
西甲球隊維拉利爾，喺2017年將主場館改名做「陶瓷球場」，不過當地有個奸商竟然出蠱惑，竟然搶先註冊「陶瓷球場」呢個商標，奸商之後更提出極無理要求，話維拉利爾一日用「陶瓷球場」呢個名，就要每日向佢支付600歐元，真係好過去搶呀！
維拉利爾當然不會就範，結果案件就交由商業法庭審理，而裁判官日前宣布維拉利爾勝訴。裁判官指個奸商雖然2015年已經註冊，但當時維拉利爾會長已提出改名方案，奸商係「有意圖咁搶走維拉利爾準備改名嘅權利」。
事實上，維拉利爾人口得5萬人，每逢比賽日主場館25,000座位都坐爆，可見市民對「黃色潛艇」係幾咁忠心，個奸商想屈維拉利爾錢，即係同全城人過唔去，又點會咁易得逞呀！
東網體育FB同你追實體壇每個精彩時刻！