介紹番 桌球美女球證 呂浠琳
20181025
東網電視
更多新聞短片
今次澳門大師賽，共有兩位球證執法，其中一位仲係女球證添，見佢樣子清秀，但一面嚴肅，成日企喺球員後面，比賽見到觀眾打電話或唔守規矩更會當面斥責，呢位靚女，原來就係內地三大美女裁判之一，廣州唯一女球證呂浠琳！
呂浠琳現年29歲，已婚育有一女，14至16年因誕女而休息兩年，近一年復出為多項國內重要賽事及國際排名賽執法，而講番轉頭，佢嘅執法經驗超過十年，最初是因為喜愛桌球，經常到桌球室遊玩，讀大學時因一次機會當上一項六個紅球嘅球證而入行，早年曾為廣州亞運桌球項目執法，現在就係職業賽球證。
「當初因為鍾意桌球而接觸，又覺得做球證好型，又因為是女性而受關注。」她表示內地桌球女球證不多，能上電視就更少，因為要求嚴格：「做球證不但要對桌球有認識，更由於要為職業排名賽執法，球證嘅意識上都要與球手同步，達到世界級水平，否則當球員進攻時，球證手忙腳亂就會影響比賽。」
呂浠琳樣子清秀，內地網民讚佢靚，她對此一笑置之：「觀眾們還是將注意力放在球賽枱上吧！球證職責係為球賽執法，令賽事流暢進行，所以我對自己沒想太多。」撇開球證身份，呂浠琳最鍾意邊位球手？答案係奧蘇里雲！「他是一個天賦球手，實在太神奇。」
東網體育FB同你追實體壇每個精彩時刻！
Follow東網體育IG一齊撐本地運動員！