寸王推薦 哈佛要搵基亞連尼邦路斯講學
20181026
東網電視
更多新聞短片
(互聯網)
歐聯曼聯早兩晚主場不敵祖雲達斯，面對住「斑馬兵團」超嚴密防守，就連曼聯領隊「寸王」莫連奴都冇晒計，完全入唔到波。莫連奴賽後話，「祖記」守將基亞連尼同邦路斯都應該去哈佛大學教防守，教大家點樣成為一名頂級中堅。究竟「寸王」係講真定講假？真係冇人知，但哈佛大學足球隊助教就有回應喎！
哈佛大學助教達哥斯天奴話：「我其實已經考慮咗呢個問題，搵基亞連尼嚟教醫學，講解佢鼻骨點解受傷過千次都冇事。佢甚至應該捐出個鼻嚟做科學研究。至於邦路斯就應該教心理學，事關佢由祖雲達斯轉會AC米蘭，然後又返番祖記，呢個過程隨時令佢出現人格分裂。」達哥斯天奴之後補充，話呢啲都係講笑，但佢同時認同莫連奴睇法，覺得呢兩位悍將都係防守大師，希望班哈佛球員可以跟佢哋學嘢喎！
東網體育同你追實體壇每個精彩時刻！