【贏爆廠】施丹頭槌絕學再現！贏埋演技
20181026
東網電視
更多新聞短片
列治史迪拿被高亞迪斯用施丹頭槌襲擊。(互聯網)
阿仙奴喺歐霸盃分組賽作客以1:0擊敗士砵亭，11連勝仲贏埋演技，話說完場前列治史迪拿被對手高亞迪斯用施丹頭槌絕學襲擊，佢倒地扮痛苦嘅表演，簡直可以去中國綜藝節目《我是演員》。
完場前列治史迪拿同高亞迪斯嘈交，兩個都好躁，高亞迪斯仲嬲到彈起身用施丹頭槌撞人個頭，雖然從電視鏡頭所見，其實高亞迪斯並冇真正發力，列治史迪拿即時倒地有啲浮誇，但高亞迪斯始終有意圖作出暴力行為，在場冇球證完全冇表示，賽後兵工廠球迷都覺得好神奇，覺得嘥咗列治史迪拿嘅演技。
Follow東網體育IG一齊撐本地運動員！
東網體育FB同你追實體壇每個精彩時刻！