【D1泳賽】激到爆！男女拔擸埋大滿貫
20181026
東網電視
更多新聞短片
(王藝霖、余樂詩攝)
港九區學界D1游泳賽決賽周五假九龍公園爆發，最終男、女拔成功衛冕！拔萃男書院力壓聖若瑟書院及喇沙書院，橫掃A、B及C Grade總冠軍，成功重奪「Grand Slam」，以完美姿態蟬聯「學界水霸王」的寶座！而女拔在接力賽前已拉開優勢，最終擊敗協恩及德望，以554分衞冕女子組總冠軍，實現31連霸，同樣贏得大滿貫。
初賽男子組拔萃男書院與其他5間學校以54分並列第一，決賽男拔展現王者霸氣，先有「王牌」卓銘浩打破男子A Grade 200自（1分50秒04）學界紀錄，之後又有另一位港隊成員伍棹然以57秒84刷新自己的男子A Grade 100背紀錄。賽後，伍棹然大讚比賽氣氛令他愈游愈快：「初賽雖然游出平紀錄成績，但始終都好想擁有一個自己嘅學界紀錄，依家終於做到喇，多謝一班兄弟咁支持我！」
由於接力項目計雙倍積分，不少學校都孤注一押在這項，令賽果有不少驚喜。女子組C Grade 4x50混合泳接力（拔萃女書院）及4x50自接力（協恩中學）都有新紀錄誕生，而男子組的聖若瑟書院成功衛冕男子A Grade 4x50自接力之外，更以1分36秒48刷新學界紀錄。聖若瑟隊長陳俊楷賽後相當激動，先是跳上池邊振臂高呼，然後跑到觀眾席與同校友們大叫口號。
「我覺得我激動係合理呀！」陳俊楷接受訪問時，心情仍然未平復：「首先我未試過最後一棒贏冠軍，加上今年係最後一年學界，真係掩蓋唔到嗰種激動之情，我哋唔係被睇好嘅一隊而最後都贏到冠軍，充分展現到聖若瑟精神，真係勁開心呀！」聖若瑟和喇沙書院總分上一直「叮噹馬頭」，陳俊楷坦言賽前面對前所未有的壓力：「呢個項目相當重要，就算係贏喇沙但輸畀拔萃得第2名，我哋喺總分上都會輸畀喇沙，我游咗咁多年從未試過咁緊張！」這位「熱血隊長」於學界生涯最後一年為學校爭光，成功劃上完美句號。
男拔最後雄霸6項接力的其中4項（B Grade 4x50自、C Grade 4x50自、A Grade 4x50混及C Grade 4x50混），成為26連霸的致勝關鍵。男拔隊長譚思成賽後表示：「拔萃有好幾年做唔到Grand Slam，今年終於可以做到真係好開心。我哋犧牲咗唔少午息、放學甚至上課時間練接力起跳，下咗好多苦功，就係要賺埋嗰0.01秒，要快過每一個對手！其實今年C Grade為我哋攞到最多分，所以我哋對未來嘅男拔泳隊都充滿信心！」
拔萃女書院同樣實力超班，力壓協恩及德望，以554分衞冕女子組總冠軍，實現31連霸兼大滿貫。隊長梁煦瞳賽後大讚隊員表現：「今年31連霸都係各泳員嘅努力所得，今年A、B Grade都面對重大挑戰，最後贏到係集努力同運氣所得！」
東網體育FB同你追實體壇每個精彩時刻！
Follow東網體育IG一齊撐本地運動員！