中超唔嘢少 呢個中場獲巴西重召
20181027
東網電視
更多新聞短片
(Getty Images/互聯網)
曾經畀荷蘭名將兼喀麥隆領隊施多夫批評水準低嘅中超，又一次省番靚招牌喇！今晨「足球王國」巴西公布嚟緊11月友賽烏拉圭同喀麥隆嘅大軍名單，主帥迪迪揀嘅23人入面，有FC廣州中場荷西保連奴獲得重召入選。呢位30歲中場自從暑假世盃，由巴塞隆拿重返FC廣州之後，對上兩次國際賽期都未能入選，不過有料嘅佢今次終於再被選中，都算證明中超水準唔太曳啦！仲有值得提提，今次大軍人腳其他冇乜特別，就只有拿玻里中場亞倫盧利奧首度獲得徵召。
東網體育同你追實體壇每個精彩時刻！