奧燒驚變AV男優？精彩演出鹹網流出
20181027
東網電視
更多新聞短片
英超阿仙奴球星奧斯爾近排狀態回勇，連場作戰有入波又有助攻，就好似上星期英超對李斯特城，「兵工廠」喺佢帶領下輕勝3比1。賽後「奧燒」用「性感」嚟形容今場阿仙奴嘅入波，不過勢估唔到，有阿仙奴球迷就玩嘢真係將「奧燒」嘅「性感」演出，即係入波片段上載去成人網站，搞到奧「奧燒」突然變身男優，仲用到「奧斯爾‧18禁」做題目嚟引人，認真搞鬼。雖然睇落似係個無傷大雅玩笑，不過事後就引嚟呢個成人網站嘅忠實粉絲網民投訴，公開要求球迷唔好再搞事，影響佢哋上網觀看「成人動作片」喎！
東網體育同你追實體壇每個精彩時刻！