等住上艦 干地同車仔終於搞清楚
20181027
東網電視
更多新聞短片
(Getty Images)
西甲周日晚將上演國家打吡，由巴塞隆拿主場對皇馬，近排戰績低迷嘅「銀河艦隊」，據報一旦輸波，就會炒咗教練洛佩特吉，而有最新消息指，前車路士領隊干地已經準備好隨時接手，事關佢終於同「車仔」解決合約手尾，回復自由身，可即時登「艦」！
話說「車仔」今年7月炒咗干地，但雙方合約之後都仲有法律效力，有指「車仔」本來要找番多達1,080萬歐元違約金畀干地，只係一直未找清，亦因此干地更曾將車路士告上法庭添。雖然雙方法律問題未解決，不過根據意大利傳媒爆料，原來干地喺周五朝早就同車路士達成協議，依家已經正式終止合約。睇完干地咁樣，唔知洛佩特吉聽晚帶隊會有幾大壓力呢？
東網體育同你追實體壇每個精彩時刻！