【東體爭議】傑斯教曼聯係Perfect Match
20181027
東網電視
更多新聞短片
曼聯領隊莫連奴被傳帥位不穩，唔少人都覺得施丹係接任最佳人選，不過曼聯名宿簡東拿日前表示，執教「紅魔鬼」最適合人選應該係威爾斯領隊傑斯。
簡東拿先直接指出莫連奴唔應該繼續留任：「曼聯同莫連奴，係唔適合嘅男人遇上適合嘅女人。最大問題係踢波風格，冒險可能係會輸波，但主場對住祖雲達斯畀對手有7成控球，你想唔想像到費格遜執教會點？當你見到曼城踢得咁精彩，我就覺得更加心傷。」
對於下任領隊人選，簡東拿表示：「曼聯從來唔畀機會(做領隊)一啲熟悉球會一切嘅球員，大家唔好誤會我想做曼聯領隊，呢一個係事實嚟。傑斯又點睇？曼聯好應該畀佢一個機會！」
東網體育FB同你追實體壇每個精彩時刻！