【肢解紅魔】寸王承認留唔住迪基亞
20181027
東網電視
更多新聞短片
(Getty Images)
祖雲達斯除咗計劃明年1月先借後買保羅普巴之外，亦對曼聯門將虎視眈眈，迪基亞嘅合約將於明年夏天屆滿，雖然紅魔鬼有權優先同佢續約1年，但根據英國《泰晤士報》爆料，雙方續約機會唔樂觀。
曼聯領隊莫連奴亦承認留唔住迪基亞：「我冇信心迪基亞會續約，只有感到擔憂，睇下會方同佢傾成點。依家只可以講迪基亞對球隊非常重要，唔想球隊出現悲劇，就應該留住佢。」
由於之前一直想收購迪基亞嘅皇馬，已經簽入泰拔高圖爾斯，無意再爭奪，益咗祖雲達斯，準備等明夏，免轉會費簽入呢位西班牙鋼門。
保方今季離開祖雲達斯之後，由施捷斯尼擔任1號門將，但級數唔可以同保方相提並論。祖記矢志要稱霸球壇，連C朗都簽到，當然希望簽入1位頂級門將，令陣容更完美。
東網體育FB同你追實體壇每個精彩時刻！
Follow東網體育IG一齊撐本地運動員！