高級銀牌　中堅齊入波！富力R＆F贏得險

「高級組銀牌」周六（27日）尾場在青衣運動場上演佳聯元朗對富力R&F，富力憑中堅沙沙和梁諾恆的入球，以2比1擊敗有謝偉俊破蛋的元朗，取得4強席位，對手會是冠忠南區或和富大埔。

富力R&F用了8分鐘便成功取得領先優勢，由白鶴開出罰球，沙沙近門頂入，為球隊領先1比0。佳聯元朗及後亦得到罰球機會，惜慕沙衝頂僅越楣而過。15分鐘，伊達開出角球，基奧雲尼門前頭槌攻門，惟被元朗門將陳嘉豪單手托出。3分鐘後，白鶴接應利安高回傳遠射惜柱邊出界，未能增添紀錄。21分鐘元朗反擊，慕沙直線送前，基爾頓第一時間抽射卻未能命中。35分鐘陳曉鋒趁對手解圍不遠「逗」前，基斯頭槌跣後惜未能頂破周煜辰的十指關，富力帶著1球優勢返更衣室。

易邊後，富力差點再下一城，50分鐘白鶴主射罰球僅吿高出。及後元朗積極進攻，58分鐘，先有基爾頓右路罰球被周煜辰沒收。5分鐘後，再有陳曉鋒接應葉子俊回傳後放冷箭，惜未能命中目標。其後戰情膠著，戰至76分鐘，後備上陣的梁諾恆迎頂角球，惟角度太正被陳嘉豪一抱入懷。78分鐘法比奧搏得罰球，基爾頓勁射僅中網側。未能為球隊追平之餘，更被梁諾恆接應角球頂入，為富力拉開至2比0。落後的元朗仍未有放棄，87分鐘葉子俊開出罰球，謝偉俊門前撞入，為球隊追近比數。雙方及後再無進帳，最終富力R&F以2比1擊敗佳聯元朗，取得4強席位，對手會是冠忠南區對和富大埔的勝方。

賽後富力R&F主教練楊正光以8字真言總結今仗球隊表現：「拼勁可嘉，內容缺乏。」他又指球隊雖取得4強席位，惟仍須改善表現：「對手係一支好有活力，外援亦都好有質素嘅球隊，今場波發揮唔到應有嘅表現。好彩順利晉級，不過返去要好好檢討，如果再面對受壓嘅情況，我哋要點樣做呢？」而後備上陣取得入球的中堅梁諾恆，他期望這個頭槌能取悅教練：「無論喺球隊定香港隊，希望自己有出場嘅時間做得更多，話畀教練聽我可以佔一席位。」

至於佳聯元朗主教練郭嘉諾則稱：「我哋開個頭好好，但係角球、罰球嘅marking（盯人）要再做好啲。今場波我覺得我哋係表現較好嘅一隊，我哋有陳柏衡受傷，踢到咁我已經好收貨。」