好有共鳴 簡東拿講出曼聯球迷心聲
20181027
東網電視
更多新聞短片
(互聯網/Getty Images)
曼聯領隊莫連奴嘅保守戰術多次引起爭議，甚至令保羅普巴等球員不滿，一齊反佢，一度傳出紅魔鬼即將換帥。
紅魔鬼名宿簡東拿對於「寸王」嘅睇法，同埋是否換帥就有獨特見解：「我喜歡莫連奴嘅個性，喜歡佢對比賽嘅激情，亦好欣賞佢嘅幽默，佢係1位好有智慧嘅人，佢可以為自己嘅球員付出一切，當然佢亦可以從中獲得回報。」
不過，簡東拿認為「寸王」並唔適合教曼聯：「我唔認為佢嘅戰術風格會獲得曼聯球迷喜歡，就算佢可以經常帶領球隊贏波，都係咁講，因為曼聯球迷並唔喜歡呢種風格，佢唔係曼聯領隊嘅理想人選，我認為哥迪奧拿最適合曼聯。」
簡東拿讚完莫連奴一大輪，最後捧死敵哥迪奧拿，但相信都係曼聯球迷嘅心聲：「我哋要進攻足球呀！」
東網體育FB同你追實體壇每個精彩時刻！
Follow東網體育IG一齊撐本地運動員！