SOS！莫連奴向傑斯同加利仔求救！
20181105
東網電視
更多新聞短片
曼聯近2場歐聯主場賽事，都因為交通問題搞到球隊大巴唔能夠準時到達球場比賽，上場對祖雲達斯嘅比賽，曼聯直頭拉隊入住奧脫福球場附近酒店，可惜短短幾分鐘車程都一樣塞爆，搞到莫連奴要自己落車步行去球場準備。
為咗解決呢個「死症」，英國《太陽報》爆料，曼聯已經向由名宿傑斯同加利尼維利開設嘅「足球酒店」求救，呢間酒店位置正正位於奧脫福球場對面，如果「紅魔鬼」真係進駐，絕對唔憂會遲到。最諷刺嘅係，傑斯同加利仔喺2015年決定喺奧脫福對面開辦足球酒店嗰陣，曼聯高層曾經表達不滿，勢估唔到依家竟然要搵對方打救。
東網體育FB同你追實體壇每個精彩時刻！