魔獸又捧盃！杜奧巴等待人生最後1戰
20181105
東網電視
更多新聞短片
杜奧巴帶領鳯城起義奪得USL季後賽西岸冠軍。(互聯網)
40歲嘅杜奧巴未玩完！佢效力嘅美國第二級聯賽(USL)球隊鳯城起義，喺季後賽以2比1擊敗奧蘭治郡，杜奧巴仲有份入波，帶領球隊贏波取得西岸冠軍，假如佢喺美國時間11月8號舉行嘅總決賽，砌低埋東岸冠軍路易斯維爾城，就可以稱霸USL，光輝結束職業生涯！
上年4月，杜奧巴成為鳯城起義嘅班主兼球員，估唔到話咁快，佢就有機會攞總冠軍：「當我離開蒙特利爾衝擊，我收到來自世界各地嘅合約，巴西、英格蘭、法國甚至中國都有，最後我選擇做班主兼球員。我成日同對手講笑，嗌佢哋畀我捧盃，咁我可以安心退役，如果唔係，我就要繼續踢，但坦白講，今次係最後1季喇！」
Follow東網體育IG一齊撐本地運動員！
東網體育FB同你追實體壇每個精彩時刻！