【足壇身價榜】麥巴比身價最高 將來再貴啲
20181106
東網電視
更多新聞短片
(Getty Images)
今季踢咗3分1，權威機構瑞士足球天文台(CIES)更新國際足壇球員身價，效力巴黎聖日耳門19歲法國前鋒基利安麥巴比，成為唯一身價超過2億歐元球員，估計高達2.16億歐元(約19.3億港元)，而且將來愈來愈貴，哈利卡尼以1.97億歐元(約17.6億港元)排第2，成為史上最貴英格蘭球星。
國際足壇嘅球員身價定期更新一次，今次公布嘅數據，成為即將重開嘅冬季轉會窗重要參考，該身價排名榜根據球員表現、年齡、合約年期，以及商業價值等綜合計算，當然實際轉會費由相關球會磋商，例如巴西王牌尼馬嘅世界最高轉會費紀錄係去年8月由巴塞隆拿轉投巴黎聖日耳門，高達2.22億歐元，但佢現時價值1.97億歐元，在身價榜排第3。
講番麥巴比，佢現時身價係2.16億歐元，比佢去年由摩納哥加盟巴黎聖日耳門嘅1.8億歐元稍有上升，但外間估計如果要收購麥巴比，2.16億歐元相信買唔到，因為法國捧走俄羅斯世界盃，麥巴比功勞甚大，世盃後已有經紀喺轉會市場放風，其轉會費可高達2.5億歐元。
在10大身價榜上，前8人都係前鋒，熱刺中場迪比阿里獲高度評價，位列第9名，至於當今兩大球王則逐漸淡出，美斯以1.7億歐元排第6，C朗拿度估值1.23億歐元，不入前10名。
世界10大最高身價球員
1.基利安麥巴比 19歲 法國 2.16億歐元
2.哈利卡尼 25歲 英格蘭 1.97億歐元
3.尼馬 26歲 巴西 1.97億歐元
4.穆罕默德沙拿 26歲 埃及 1.73億歐元
5.菲臘比古天奴 26歲 巴西 1.71億歐元
6.美斯 31歲 阿根廷 1.70億歐元
7.史達寧 23歲 英格蘭 1.64億歐元
8. 盧卡古 25歲 比利時 1.64億歐元
9.迪利阿里 22歲 英格蘭 1.63億歐元
10.基沙文 27歲 法國 1.57億歐元
東網體育FB同你追實體壇每個精彩時刻！
Follow東網體育IG一齊撐本地運動員！