《踢球者》：拜仁4大長老要整死尼高高華！
20181106
東網電視
更多新聞短片
德甲班霸拜仁慕尼黑今季表現跌Watt，教練尼高高華嘅帥位被傳不穩，雖然路明尼加、漢尼斯等幾個巨頭公開力撐，不過一班球星似乎有另一種諗法。據德國《踢球者》爆料，拜仁「4大長老」湯馬士梅拿、列貝利、洛賓同曉姆斯，對於尼高高華嘅執教方法同輪換政策好不滿，所以喺練習同比賽嗰陣「揸流攤」，務求要「累」尼高高華盡快被炒魷！
荷蘭翼鋒洛賓一直係拜仁慕尼黑主力，但今季13場比賽只得1場踢足90分鐘，至於湯馬士梅拿上場去到尾段先至入替，佢老婆麗莎就喺社交網諷刺尼高高華，搞到事後要刪文道歉。由此可見，尼高高華同呢幾位長老關係的確麻麻，拜仁個帥位都幾難坐得穩！
東網體育FB同你追實體壇每個精彩時刻！