點解入波咁少？莫拉達：英超球場雨多太濕滑
20181107
東網電視
更多新聞短片
(Getty Images)
「打波先嚟落雨」除咗係宣傳片，原來仲可以用喺車路士嘅西班牙前鋒艾華路莫拉達身上，最近佢入連續兩場英超入波，心情靚番晒，就同傳媒講自己呢兩年喺英超嘅困難，其中講到自己經常浪費機會，入唔到波，竟然話英國雨多，場地太濕滑。
莫拉達上季只入15球，以車路士嘅攻力而言當然唔合格，今季上陣15場入6球，佢嘅入球數字明顯改善，原來係同適應有關：「同西班牙好唔同，英國太多雨，曾有一段時間一落雨我就會好嬲，如果錯失入波，係因為球場太濕滑，這是唯一藉口。」
莫拉達仲話：「因為自己好出名，人們以為我唔係人，沒有感情，唔可以有問題，最重要係搵到個平衡點，依家我搵到，所以好開心。」
東網體育FB同你追實體壇每個精彩時刻！
Follow東網體育IG一齊撐本地運動員！