歐聯爆大冷!利物浦淨吞紅星兩蛋

20181107
東網電視
更多新聞短片
(Getty Images)
歐聯「死亡C組」第4輪頭場爆出大冷,英超「紅軍」利物浦作客到訪塞爾維亞貝爾格萊德紅星,大家以為利物浦可輕勝一仗,點知剛剛相反,紅星於上半場連下兩城,以2比0殺敗利物浦,利記今場輸波令餘下兩仗變成生死戰,分分鐘出唔到線添呀!
利物浦今仗排陣似乎有啲輕敵,收起羅拔圖法明奴、法賓奴泰華利斯及祖高美斯,正前鋒由史杜列治踢正選,以為上仗主場輕取紅星4比0,今場應該夠贏,點知大失預算,紅星主場氣勢非常強勁,開賽22分鐘,紅星憑角球攻勢,柏夫高夫頭槌勁頂破網,紅軍落後0比1。
輸一球都未夠,利星於29分鐘整多粒,柏夫高夫今次在中路引球,禁區頂妙射死角入網,利物浦輸到0比2,陷於劣勢。
下半場領隊高普換番法明奴出嚟,「埃及文明」狂攻對手,其中穆罕默德沙拿有多次起腳機會,70分一次勁射中柱彈出,臨完場一次門前屁股控球轉身抽射,又射得太正被沒收,最終紅星以2比0贏波,爆出80倍大冷波膽,利物浦就要為搶分出線而頭痕。
東網體育FB同你追實體壇每個精彩時刻!
Follow東網體育IG一齊撐本地運動員!