利物浦For Sale！約翰亨利索價156億
20181109
東網電視
更多新聞短片
（互聯網）
利物浦近年發展不俗，球隊由弱轉強，上季更打入歐聯決賽，無論球隊成績抑或市場價值都直線上升。但《紐約郵報》爆料，紅軍老細約翰亨利準備賣走利物浦，索價20億美元（約156億港元）。報道指亨利旗下另一支運動隊伍波士頓紅襪，雖然奪得職棒世界大賽冠軍，但依然要蝕錢，故要出售紅軍填數。
美國富商約翰亨利，10年以4.77億美元購入利物浦，紅軍喺呢段時間一直壯大，絕對有利可圖。報道指亨利已於市場放聲氣，邊個畀得起20億美元就會將紅軍放盤。波士頓紅襪剛捧走大賽冠軍，但球隊於2018年嘅總人工支出高達2.38億美元，創下美國職棒大聯盟紀錄，致令球隊入不敷支而蝕錢，亨利願意出售利物浦或與此有關。
於17年尾、18年頭，有傳阿布扎比億萬富翁Sheik Khaled Bin Zayed Al Nahayan，曾聯同某中國商家出價26億美元求購利物浦，但最後卻因未能集資成功，事件不了了之。據福布斯估值，利物浦目前市值19億美元。
東網體育FB同你追實體壇每個精彩時刻！