【有片】堅勁!首位日本球員歐洲賽戴帽

20181109
東網電視
更多新聞短片
(互聯網)
延伸閱讀
【超人氣南野拓實 激靚仔封「國民男友」】:
日本球員在歐洲賽場創歷史!周五(9日)凌晨上演嘅一輪歐霸盃賽事,薩爾斯堡作客5比2擊敗洛辛堡一仗,效力薩爾斯堡嘅日本天才前鋒南野拓實連中三元,是日本足球史上首位歐洲賽戴帽球員,其中有個入球更係C朗式勁爆窩利,堅勁呀!
23歲嘅南野拓實今仗於6、19及45分鐘攻入3球,上半場已完成帽子戲法,認誇張,其中第2球係接應隊友長傳入禁區,佢背向皮球左腳窩利破網,甚有C朗之前一晚歐聯為祖雲達斯窩利攻破曼聯風範,球迷睇到嘩嘩聲。
呢3個入球於周五已在日本國內被網民洗版,亦係繼上月國際熱身賽為日本對烏拉圭一仗梅開二度之後另一佳作,難怪日本球迷當佢神咁拜。
介紹番少少佢嘅資料,南野拓實出身於大阪櫻花青訓,17歲出道踢J聯賽,2013年獲得雙料新人獎,曾與烏拉圭前鋒科蘭做過隊友,櫻花於2014年降班後轉赴奧地利勁旅薩爾斯堡,早前與球會續約至2021年,身高只有1米74嘅佢,喜愛球員係西班牙前鋒韋拿。
延伸閱讀
【超人氣南野拓實 激靚仔封「國民男友」】:
東網體育FB同你追實體壇每個精彩時刻!
Follow東網體育IG一齊撐本地運動員!