造愛定跟哥迪奧拿？丹尼爾答案嚇死你
20181110
東網電視
更多新聞短片
(互聯網)
曼城領隊哥迪奧拿過去帶領巴塞隆拿同拜仁慕尼黑等，次次都係攞獎攞到手軟，球員都對佢有讚冇彈，都唔算係咩新聞，不過好似前巴西國腳丹尼爾對哥帥嘅崇拜程度，就包你未聽過呀！近日呢位巴黎聖日耳門右閘受訪，被問到以前跟哥帥搵食嘅感覺，丹尼爾竟然話：「正過造愛呀！」真係問你死未呀！只係更搞笑係，之後有記者跟進，走去問番哥迪奧拿點睇丹尼爾嘅說話，哥帥回應都算係「秒殺」丹尼爾：「我揀造愛囉！」其實咪以為丹尼爾齋吹水，事實上，喺2017年丹尼爾離開巴塞嗰陣，都有諗過去曼城跟哥迪奧拿，只係最終因為家人意見，佢先冇去到英超搵食咋。
東網體育FB同你追實體壇每個精彩時刻！