話你知 皇馬竟然要蘇拿利咁樣

20181110
東網電視
更多新聞短片
(法新社圖片)
西甲老牌班霸早前炒咗教練洛佩特吉,隨即提升B隊主帥蘇拿利出任球隊臨時教頭,但由於西班牙足總有規定,臨時教練最長只能教14日,換句話講,「銀河艦隊」喺周日鬥完切爾達後,就一定要為蘇拿利做決定,一係掟番佢落B隊,然後請新教頭;又或者係畀蘇拿利坐正。
根據西班牙著名體育媒體《馬卡》爆料,由於會長皮里茲喺斟介干地同普捷天奴都遇上阻礙,始終未搵到合適接任人選,家陣就決定暫時畀蘇拿利坐正,至少帶到聖誕,而期間呢位前皇馬快翼仲可以喺世冠盃證明自己身價,到時或者真係可以畀張真正長約佢呢!
東網體育FB同你追實體壇每個精彩時刻!