首度返傷心地出賽 李城宣布建維猜銅像

20181110
東網電視
更多新聞短片
李斯特城前班主維猜上月底在「直升機空難」中喪生後,今晚(周六)將會首次返主場呢個「傷心地」出賽,喺英超迎戰般尼。
空難發生嘅地點就喺王權球場外,慘劇發生後首度主場出戰,據報李斯特城會發起連串悼念活動,包括向球迷贈送頸巾、襟章、海報等紀念物品,亦會喺大銀幕播放維猜紀念影片,另外有球迷組織自發「步行致敬」,開波前喺2公里外行路去到球場,預計會有2萬個球迷參加。
至於代替維猜出任李斯特城主席嘅徐盛源(維猜兒子),宣布球會將喺主場王權球場外建立一座維猜銅像,徐盛源表示:「我哋永遠無法回報爸爸嘅付出,作為佢兒子、家人同埋李斯特城有緊密聯繫嘅人,我哋會紀念佢同繼承佢遺志。為咗球會持續發展,我哋計劃起一個最先進嘅新訓練場、擴建王權球場,亦計劃喺球場外建立爸爸嘅銅像,作為一個永久而恰當嘅致敬。」
東網體育FB同你追實體壇每個精彩時刻!