【曼市打吡】普巴缺操渣古傷愈 魔粉點睇？
20181110
東網電視
更多新聞短片
曼聯喺歐聯作客砌低祖雲達斯後士氣大振，周日作客曼城嘅「曼市打吡」突然聲勢浩大，不過大戰前就出現兩單令「魔粉」心情複雜嘅消息，一單係比利時前鋒盧卡古傷愈有望復出，另一單係法國中場保羅普巴受傷未能跟大隊操練，而呢兩位「巨星」之前一直被指係曼聯沉淪嘅罪人，佢哋受傷上陣成疑，曼聯迷都唔知係福定係禍！
被球迷笑係「渣古」嘅盧卡古，因傷缺席咗曼聯近2場賽事，而「紅魔鬼」呢2場就接連反勝般尼茅夫同祖雲達斯，唔少球迷都覺得「冇盧卡古更好」。不過呢位比利時箭頭已經傷愈，領隊莫連奴會唔會用番佢做正選呢？呢個問題就令好多曼聯球迷擔憂。
相同Case亦發生喺保羅普巴身上，呢位法國國腳因傷並冇跟大隊進行打吡戰前操練，只能夠自己一個進行簡單嘅室內練習，雖然曼聯強調保羅普巴只係「輕傷」，仍然希望佢可以趕及復出披甲，但亦有曼迷覺得保羅普巴拖慢節奏，冇佢可能都係一件好事。咁樣講，究竟曼迷想唔想2大球星復出呢？
東網體育FB同你追實體壇每個精彩時刻！